នគរបាលចាប់ខ្លួនជនសង្ស័យលួចគាស់ផ្ទះយ៉ាងសកម្មនៅក្រុងតាខ្មៅ
25-November-2017 | ដោយ ពលមនសិការ
កណ្ដាល ៖ ជនសង្ស័យជាមុខសញ្ញាលួចគាស់ផ្ទះយ៉ាងសកម្មម្នាក់ត្រូវបាននគរបាលក្រុងតាខ្មៅធ្វើការចាប់ខ្លួនករណីលួចគាស់បង្អួចបម្រុងចូលលួចយកទ្រព្យសម្បត្តិ តែពុំបានសម្រេច ។ ករណីខាងលើនេះបានកើតឡើង កាលពីវេលាម៉ោង១០និង៤០នាទី ថ្ងៃទី២៤ ខែវិច្ឆិកា ឆ្នាំ២០១៧ ស្ថិតក្នុងភូមិខ្ពបវែង សង្កាត់កំពង់សំណាញ់ក្រុងតាខ្មៅ ខេត្តកណ្តាល ។
មន្ត្រីនគរបាលក្រុងតាខ្មៅបានឲ្យដឹងថា ជនសង្ស័យឈ្មោះ ម៉ឹង ដាវុធ ភេទប្រុស អាយុ៣៧ឆ្នាំ ជនជាតិខ្មែររីឯជនរងគ្រោះឈ្មោះ លី សុខា ភេទស្រី អាយុ៣៧ឆ្នាំ ជនជាតិខ្មែរ ។ ជនរងគ្រោះនិងជនសង្ស័យមានទីលំនៅភូមិខ្ពបវែងសង្កាត់កំពង់សំណាញ់ ក្រុងតាខ្មៅ ខេត្តកណ្តាល ។ ចំណែកវត្ថុតាងដកហូតបានមាន៖ ដែកគាស់ប្រវែង៥៧សង់ទីម៉ែត្រ ,បំពង់ទីបប្រវែង៩៩សង់ទីម៉ែត្រ និងដែកដាប់ប្រវែង២៧សង់ទីម៉ែត្រ ។
ប្រភពដដែលបន្តថា នៅមុនពេលកើតហេតុជនរងគ្រោះបានចេញពីផ្ទះទៅផ្សារដើម្បីទិញអីវ៉ាន់ ដោយបានចាក់សោរទ្វានិងដាក់គន្លឹះបង្អួចផងដែរ លុះមកដល់វេលាម៉ោងកើតហេតុខាងលើ ជនសង្ស័យឃើញផ្ទះរបស់ជនរងគ្រោះស្ងាត់ជ្រងំគ្មានមនុស្សនៅ ក៏បានយកដែកគាស់ ដែកដាប់និងបំពង់ទីបធ្វើសកម្មភាពគាស់បង្អួចចូលទៅក្នុងផ្ទះបម្រុងនិងលួចយកទ្រព្យសម្បត្តិ តែមិនបានសម្រេចសំណាងល្អម្ចាស់ផ្ទះមកទាន់ស្រាប់តែឃើញជនសង្ស័យកំពុងធ្វើសកម្មភាព ក៏ស្រែកឆោឡោភ្ញាក់ផ្អើលដល់ប្រជាពលរដ្ឋជិតខាងនិងសមត្ថកិច្ចបាននាំគ្នាពួនស្ទាក់ដេញចាប់រហូតឃាត់ខ្លួនជនសង្ស័យរួមទាំងវត្ថុតាងដូចបានរៀបរាប់ខាងលើ បញ្ជូនមកកាន់អធិការដ្ឋាននគរបាលក្រុងដើម្បីកសាងសំណុំរឿងចាត់ការតាមច្បាប់ ៕
ចំនួនអ្នកទស្សនា
- ថ្ងៃនេះ3631
- ម្សិលមិញ10851
- សប្តាហ៍នេះ70151
- ខែនេះ185301
- ឆ្នាំនេះ185301
- សរុប20627757